Ek Kahani Part 8

Ek Kahani Part 8

A Story By Amrit Raj Karn

Read Part 7 here

Maa humare sath hi ruki thi kuch din, Maa ke jaane kuch kuch din baad, Main ek roz ghar par akele baitha hua tha, aur Ishani ko call lagaya “Kaha ho?”

“Ghar par hi hu Amrit, Kuch kaam tha kya?”

“Kuch khas nahi, aa jaati thise der me yaha par to sahi rehta.”

“Aacha aati hun thodi der me”

Maine phone rakh diya, aur intezar krne laga.Guzre hue 3-4 mahinon me mujhe yakin ho chuka tha ab main fir se beinteha ishq me dub chuka hun. Ek pal bhi uske bina rehna mere liye muskil tha. Shyad isliye kabhi wo mere ghar pe to kabhi main uske ghar pe rehta tha.

Kuch der me Ishani bhi ghar aa chuki thi, ab wo door bell nahi bajati, ghar ki ek chabi ab uske pass bhi thi.

“Kya hua Amrit, chehra utra utra sa lag raha tumhara?”

“Nahi, kuch nahi. Busy thi kya?”

“Nai, tum bulao aur main na aau, aisa ho sakta hai kya? Aur tumhare liye har waqt free hu.”

Bhot dinon baad aankhon me ek kaali si eyeliner lagaye hue dekha tha aaj usse. Halke gile baal, hiron se chamakti uski do aakhen. Main har roz apna dil har jata tha uske liye. Wo mere bistar par baithi hui thi. Pata nahi mujhe kya hua ek ajeeb sa dar, aur ghabrahat si lagi. Maine bs bola “Ishani” aur uski aakhin me dekhta hua uski god me ja kr apna sir rakh diya, aur apni aakhen band kr li. Ishani ne meri band aankhon ko apne hothon se chhu liya. Main ek gehri si saans li aur uski hathon ko jor se jakar liya. Kuch der aisehi rehne ke baad maine apni aakhen kholi aur Ishani ko dekhne laga.

“Ab fir se chor kr to nahi jaogi na kabhi?”

“Kabhi nahi Amrit”

“Kaal free ho? Ya office se OFF le sakti ho?”

“Haan, kuch kaam hai kya?”

“Doctor se appointment hai kaal meri, tum sath chalti to aacha rehta.”

“Tum thik to ho na? Kya hua hai?”

“Kuch ni bs regular check up hai”

“Pakka?”

Kuch pal Ishani ke aakhon me dekne ke baad maine kaha.

“Haan”

Kabhi kabhi aisa hota hai aap rone ke baad ya darr se ya fir ghabrate hue ek lambi sans tezi se lete hai, waisa hi maine us waqt liya aur fir se aankhen band kr ke uski god me let gaya.

“Aaj raat yahi ruk jao na, please.”

“Amrit, tum pakka thik ho na? Kya hua? Tumhari tybt to theek hai na.” Kuch bata bhi nahi rahe.”

“Haan bs ruk jao na”

“Aacha thik hai main aati hu thodi der me ghar se apne kuch saman le kr, tum lete raho aur aaram kro.”

Agli subha main ready tha aur apni puri medical reports le kr baitha hua tha, Ishani ka wait kr raha tha. Hum dono car me baithe aur doctor ke pass jane lage. Maine jaise hi gadi roki Ishani meri taraf dekhne lagi.

“Cardiologist? Amrit mazak nahi kro, sach sach batao kya hua hai.”

“Are baba kuch nahi hua hai, bs regular check up hai”

“Jhuth matt bolo mujhse, tumhe pata hai na tum jhuth nahi bol paate ho”

“Sach me kuch nahi hua hai, tum wait kro main aata hu.”

“Nahi main bhi chalungi”

“Are tension nahi lo kuch nahi hua hai, bharosa kro mera,I am Okay”

Aur main apna ek hath uske gaal par rakh bola.

“Wait kro main turant aaya”

Kuch der bad main wapas bahar aaya aur Ishani ko bola.

“Dekha sb kuch thik hai na”

She smiled, usse aacha laga jb pata chala meri health ek dum sahi hai

“Chalo ab tumhare liye ke surpise hai”

“Kya?”

“Are meri jaan chalo to sahi fir pata chal jayege”

Maine ek cafe me lunch ke liye table book kr ke raha tha. Aaj main usse propose krne wala tha, Shadi ke liye, haan kuch jyda jaldi tha ye magar is bar main usse khona nahi chahta tha.

Hm log waha pahuche aur maine Ishani ka hath pakad kr sath aane ko kaha, wo behad khush lag rahi thi, maine usse samne lage chair par baithaya, aaj fir se 6 saal baad main ghutno pe tha and apne pocket se ek ring ka box nikala, ek chamakti hui platinium ki Ring thi usme, aur uski taraf krte hue bola.

“Ishani, Will You marry me?”

Ishani ki aankhen khushi se nam ho chuki thi aur usne haan me sir hilaya.Main uski or badha aur Ishani ke hothon ko apne hothon se chhu liya. Aaj ka din bahut khubsurat tha mere liye, maine maa ko call kr ke bataya, maa ne bola ghar aa jao ab, kitne din dur rahoge ghar se, aur usse bhi le aana sath me.

To Be Continued…

Read Part 7 here