Ek kahani Part 7

Ek Kahani Part 7

A Story By Amrit Raj Karn

Read Part 6 here

Maine Ishani ke hath se uska saman lete hue usse apni scooty par baithne ko bola. waqt na jaane kitni karwate leta hai, kuch saal pehle beitehan ishq, fir bhot jyda duri, aur achanak se ek roz mulakat aur aaj fir se wo mere karib thi. Dil aaj bhi ghabrata hai.

“Tb, kaisa rah aaj ka din? Ghar par bore nahi hue?”

“Haan” “Nahi, kuch kuch kaam tha bs wahi kr raha tha. Tumhara din kaisa raha?”

“Sahi raha, Tumhara sir dard kaisa hai? Ab theek hai na?”

“Haan ab sahi hai”

Kuch yahi baat krte krte hm dono apne apartment pahuch gaye. Lift mere floor par aa kr ruki hui thi aur Ishani ne kaha.

“Aacha chalo main aati hu kuch der me, tumhare liye tumhara favourite chicken bana kr lati hu, aaj aunty ne banana sikhaya”

“Maa? Maa se tumhara kb baat hua?”

“Aaj Office me thi to aunty ko bhot dar dar kr call ki thi, Aunty khush thi baat kr ke”

“Maa ko batane ka kya jarurat tha itna jaldi, I am not Ready yet”

Maine ye baat apni aankhen jhukate hue bola. Mere dill me abhi bhi ek dar sa tha, meri jhuki hui aankhon ko dekh kr Ishani ko shyad bura laga, usne apna sir meri taraf kiya aur mere taraf jhukate hue mere sine par apna sir rakha aur mujhse kaha, “Amrit, ek baar mauka do mujhe, main tumse abhi bhi utna hi pyar krti hun jitna pehle krti thi Amrit. I know I had hurt you, but Amrit ab main bs tumhari hu.”

Itna Bolte bolte Ishani ke aankhen bhi nam ho chuki thi maine bhi apna hath badha kr Ishani ko apni baahon me bhar liye aur uske sir ko pyar se chuma. “Chalo jao ab aaram kro baad me milte hai” Maine usse bola.

“Mujhe mere ghar tak nahi choroge Amrit, main to tumhare ghar kai baar aa chuki hu, tum nahi aaye to mere ghar ek baar bhi” Ishani ne mera hath pakad kr bola, main uski aakhon me dekh kr muskuraya aur kaha, “Uncle se baat kr ek mere sath hi shift ho jao, fir na mujhe aane ki jarurat na tumhe”

Wo muskurai aur chali gayi apne ghar

Kuch waqt bitne ke baad karib 3 mahine

Ek sham hm sath me office se aa rahe the tb hi achanak se Ishani ne kaha “Are Amrit, tumhare liye ek surprise hai, do din baad tumse koi milne aa raha.”

“Kon aa raha?”

“Wo surprise hai, chalo ab main jaa rahi, aati hu thodi der me”

“Are batao to kon aa raha”

Maine itna pucha hi tha ki wo apna saman lete hue sidhion se upar apne floor ki taraf chali gayi, maine apne flat ka gate khola aur andar chala gaya.

Raat ko Ishani aayi aur hum sath me baith kr baatein kr rahe the maine us se fir se puchne ki kosis ki kon aa raha hai? Usne fir se batane se mana kr diya. Kuch der baad main khamosh sa baith kr uski aakhon me dekh raha tha, hum dono jamin par baith kr baatien kr rahe the main sofe ke samne jamin par tha aur Ishani mere samne deewar ke pass. Ek laal rang ki kurti, khule hue baal jo ek taraf jhuke hue the, aur uske piche deewar par tangi hui ek painting. Behad khubsurat lag rahi thi wo. Ishani ne apne unglion se apne baal ko kaanon ke piche krte hue mujhe dekh kr bola “Kya dekh rahe ho Amrit? Fir se pyar ho gaya kya?”

Usne ye bola aur main apne khayalon se bahar aate hue bola “Chalo kuch kha lete hai pehle”

“Wah! Baat ko aaj bhi badi ache se ghumane aata hai tumhe, achha chalo main rotiyan bana deti hu”

“Mere hath ki bani hui khaogi? Aaj bhi achha banata hu”

“Achha jii chaliye fir aap hi aaj banaiye”

Main kitchen ki or badha aur khana banane laga, Ishani wahi Kitchen ki gate pe khadi thi aur muskure hue mujhe dekh rahi thi. Humne thodi der me dinner kiya aur wo jane lagi, maine usse apni bahon me bharte hue bola “chalo jao ab kaal milte hai”

“Haan chalo Amrit bye ab”

Do Din Baad

Main office me baith kr kaam kr raha tha, thodi hi der me Ishani ka call aaya aur wo boli “Amrit ghar aa jao tumhare liye surprise as chuki hai”

Main kaha “Abhi? Itna urgent kya hai? Abhi office me kam me busy hu.”

“Haan its urgent, jaldi aa jao”

“Achha ruko koshish krta hu thodi der me aane ka”

Maine office se Off liya aur apni car nikal kr nikal kr ghar ki or nikla. Car se nikal kr maine Ishani ko call kiya aur pucha “Kaha aana h? Main niche aa chuka hun”

“Mere flat pe aa jao main yahi hu”

Main Ishani ke ghar ke bahar khada aur aur door bell ki switch ko press kiya. Andar se jaise hi gate khula meri aankhen khushi se num ho chuki thi, samne maa thi, main maa ko gale lagte hue piche dekha, Ishani piche khadi thi “Maa, tum yaha kaise aai”

Maa ne Ishani ko pass bula kr usse gale lagate hue bola “Ishani ne call kiya tha, usne jidd ki aur bula liya mujhe, aur bataya bhi tumlog fir se sath ho.”

Maine maa ko bola “Haan tumhe batane wala hi tha.”

“Tum log khush raho yahi meri dua hai.”

Main apni halki si nam aankhon se Ishani ko dekh rha tha, maa pichle 5 saal saalon me kabhi mere pass nahi aai thi, bs college ke suruwat ke dinon me mujhe chorne aayi thi, na maa ko waqt mila na baba ko wo dono apne kaam ke wajah se kabhi aa nahi paye milne, main job ke liye bhi khud akele hi shift hua tha.

Hm teeno Ishani ke ghar par hi baith kr khana khane lage tb hi Ishani ne bataya ki usne hi maa ka ticket kata kr bulaya tha. Aur airport bhi laane wahi gayi thi.

Main aur maa baith kr baatien kr rahe the, maa ne pucha “teri tybt kaisi hai, Ishani bata rahi thi ki tere sir me dard tha. Tune usse bataya apne baare me”

Ek gehra raaz jo bs maa aur mere bich tha, main maa ke chehre ko dekhte hue bola “Nahi maa, usse nahi bataya abhi tak, magar ab meri tybt sahi hai pehle se”

To be continued

Read Part 8 here