Ek Kahani Part 5

Ek Kahani Part 5

A Story By Amrit Raj Karn

Read Part 4 here

Raat bhut ho chuki thi. Hum dono kuch der me ghar pahuch gaye, Ishani lift ki or badhne lagi. Maine kaha “Tum chalo main aa jaunga” Maine car me rakhe apne cigarette ki box se ek cigarette nikala aur car ke bonnet ke pass jaa kr khada ho gaya. Maine lighter se  cigarette jalaya hi tha ki lighter ki aawaz sun kr Ishani piche mudi, Chehre par ek gussa aur aankho me ek fiqr nazar aai mujhe. Maine cigarette ko hothon se laga kr pehla kash liya hi tha ki Ishani meri taraf aayi aur mere hathon se cigarette ko chin kr jamin par fenk diya.

Chehra uska gusse se laal ho chuka tha aur meri nazre jhuki hui thi, uske jaane ke baad se hi to maine ye sb suruwat kiya tha. Jaane ke bad pehle cigarette ki lat aur fhir sharab ki aadat. Har do teen din me ek bar kuch ghunt sharab ke hothon se lagaye bina neend nahi aati thi ab to.

“Kyu khud ko barbad krne pe tule hue ho Amrit, itni aachi life hai, family hai, naukari hai, paise hai, ghar hai, aur tumhe to ghar jaa kr family business sambhalna tha na?”

Main bs dekhta raha usse aur ek gehri sans li aur lift ki or badh chala, lift me gaya aur Ishani bhi sath sath lift me aayi, maine apne floor ka button dabaya aur usme apne. Lift mere floor par pahuchi, main lift se nikla aur uski ankhon me dekh raha hi tha ki itne me hi lift ki gate band ho gayi. Main apne flat me chala gaya.

Ghar par apne kamre main jaa kr kapde badle aur fridge me rakhe beer ki can ko nikala aur puri can pi li. Can ko bahar table par hi rakh kr apne kamre ki or chal diya aur jaa kr let gaya, apna phone nikala aur Ishani ko messege kiya “Sorry 😔” aur maine apne phone ko side me rakhe table pe rakh diya. Kuch der aankhon ko band kr ke gehre se sunya me khone ke bad mujhe neend aa gayi. Main waise hi so gaya.

Subha utha to sir me kaafi dard tha, maine office se off le liya aur socha ghar par reh kr hi kuch kaam kr lunga. Ishani ka message aaya hua tha “Koi baat nahi Amrit, magar ye sb sahi nahi hai tumhare liye, tumhe bhi pata hai tumhe TB tha aur ye sb tumhare liye kitna khatarnak hai”

“Hmm”

“Uth gaye?”

“Haan, bs thodi der pehle.”

“Office kitne bje se rehti hai tumhari?”

“9;30 se rehti hai, magar aaj off le liya hai kuch kaam hai ghar se hi kr lunga aur sir me bhi halka sa dard hai.”

“Kya hua? Aacha main aati hu thode der me, Nasta matt banana main bana dungi”

“Nahi rehne do main khud kr lunga”

“Chup chap aaram kro main aa rahi thodi der me”

Kuch der baad door bell baji, maine gate khola aur hall me lage sofe par baith gaya, Ishani bhi samne baith gayi, uski nazar table par rakhe beer ke khali can par gayi aur uska chehra fir se gusse se laal ho chuka tha “Amrit, tum nahi manoge na? Kyu aisa kr rahe ho”

“Aadat, tumhare jaane ke bad se lagi thi, tum to chale gaye the magar ye nahi gayi”

“Hadd ho yarr tum, kya milega is jeher ko pi kr, Jindagi barbad kr rahe ho tum apni, aur ab kyu pi rahe ho, main to ab tumhare samne hu na”

Kuch der khamosh rehne ke baad maine bola “Dar lagta hai tumhe fir se apna kehne se, tum aana chah to rahi ho, magar ye dil dur hona chah raha hai tumse, bhut muskil se bhula tha”

Main chup ho gaya, uski aankhon me aayi nami se dar lagta tha mujhe, uski aakhen nam ho chuki thi. Waada krta tha ki kabhi aankhen nam nahi hone dunga, magar aaj mere wajah se Ishani ki aankhen nam thi. Bura lag raha tha mujhe. Uski aankhen bata rahi thi usse abhi bhi pyar tha mere se, Main us ke karib gaya aur uska hath pakad kr bola,

“Ishani, waqt lagega thoda phir se tum par bharosa krne me, dil me jagha aaj bhi hai tumhare liye magar thoda waqt do.”

“Waada kro aaj ke bad in sb chig ko hath nahi lagaoge”

Main utha aur haan me sir hilaya. Pass me hi  table pe rakhe pani ke glass ko uthaya aur Ishani ki taraf badhaya. Wo pani pi kr uthi aur kitchen me jane lagi Nasta laane ke liye, main bhi piche piche gaya aur fridge khol kr beer ki sari can ko uthaya aur sb ko dust bin me fenk diya.

Ishani meri or dekh kr halki si muskurai aur kuch der me Nasta le kr aa gayi, hm dono se sath baith kr Nasta kiya.

“Tumhara Office nahi hai kya?”

“Hai, 10:30 se hai, thode der me niklungi”

“Ab kuch likhte nahi ho?” Ishani ne mujhse se pucha.

Maine pass me hi rakhe shelf se apni ek Diary nikali aur uski or badhaya aur kaha “Likhta hu, aaj bhi, har roz, kuch na kuch”

Ishani ne diary hath me lete hue kuch panne palte, maine kaha “Rakh lo, padh kr batana kaisa laga”

To Be Continued…

Read Part 6 here