Ek Kahani Part-4

EK Kahani Part 4

A Story By Amrit Raj Karn

Read part 3 here

Main Parking me apne car ke pass khade ho kr samne wali park me dekhne laga, Kuch bacche khule maidan me khel rahe the, kuchh log tehel rahe the, meri nazar ja kr ek budhe se couple par padi wo sath baith kr baatein kr rahe the. Ek dusre ko sahara dete uthne me, ek jagha se dusri jagha jane me. Bilkul aisehi sapne dekha tha maine bhi.

Main ye sb soch hi raha tha ki lift niche aa kr khulti hai, aur andar se Ishani nikalti h, Aaj bhi behad khubsurat. Main nazre churate hue usse dekhne laga. Wo aayi aur maine chup chap se car ka gate khola aur aankhon hi aankhon me isharon me usse baithne ko kaha, wo baithi main bhi baitha aur car start kr ke chalna laga.

Na wo kuchh bol rahi thi na main kuchh bol raha tha, kuchh der bad maine music player ko on kiye aur mere phone se connect hote hi ek aisa gaana play ho gaya ki hm dono bs ek dusre ko dekhte reh gaye.

“Ye dil samhal to le zara Main thorhi der jee too lun nashe
ke ghuunt pi to lun Nash eke ghunt pi to lun abhi to kuchh
kaha nahin Abhi to kuchh suna nahin Abhi na jaao chod kar ke
dil abhi bhara nahin”

Ye wahi gaana tha jo main kabhi kabhi gun guna leta tha. Kuch der bad hm cafe pahuche, maine car park kiya aur cafe ke main entarance se andar gaya, pehle Ishani fir main.

Kuch log hote hai jo alag hote hai to naftrat paida kr jate hai apne bich, magar humare bich aisa nahi hua. Ishq to khtm hua tha magar nafrat bich me nahi aayi thi. Maine mann liya tha ki kuch majbooriyan rahi hongi tb hi Ishani mere se dur gayi hogi.

Cafe ki halki halki roshni aur us roshni me uske chehre par uski wahi purani halki si muskan, pani ke glass ko jb wo hothon ko lagati thi to mujhe barish me bheege uske hoth yadd aa jate. Bht der ki khamoshi ke bad, jb waiter ne order puche to to maine Ishani ke taraf ishara kr diya. Itni der ki khamoshi to usne toda aur bola

“Amrit, aaj bhi naraz ho mujhse?”

Maine kuch jawab nahi diya bs apni nazare chura li.

“Amrit, kuch bologe nahi to kaise hoga, aise gussa matt jatao, Please kuch bolo na”

“Aakhir bolne ko kya reh gaya hai ab Ishani, bina kisi message bina koi call bina kuch bole  achanak se chali gayi thi tum.”

Main tut ti hui aawaz me ek saans me ye bol gaya, “Tumhe pata bhi hai kitni muskil se khud ko sambhala tha maine, tum aise waqt me gayi thi jb main behad akela tha. Tumhe bhi pata tha main main college me bht kaam logo se baat krta tha, sirf tum mere karib thi. Sirf tumse hi baatien krta tha, aur tumne kya kiya? Bs ek din achanak se gayab ho gayi”

Meri aawaz tut kr aansuon me badalti is se pehle maine bola “Pichle 2 saal 3 mahine baad parso sham jaa kr pehli baar dekha hai tumhe, aankhen taras si gayi thi tumhe dekhne ke liye, Dimag ne to haar mann liya tha ki nahi ab nahi. Puri tarah se bhul gaya tha aur ab achanak se samne aa gayi ho”

Table pe pade mere hath par Ishani ne apna hath rakhne hue bola “Ab main wapas aa gayi hu na Amrit”

Maine apna hath piche krte hue bola, “Kash sb kuch itna hi aasan hota”

“Amrit, meri bhi majburiyan thi, maine jaan bujh kr tumhe nahi chora tha akele, tumhe pata hai tum college gaye the to mujhse kitna dur go gaye the, mana classes rehti thi tumhari, mana waqt kaam tha, magar itna bhi kaam tha ki mujhse baat krna kaam kr do? Pehle jb mere sath the to har waqt me sath khade rehte the, har waqt baatien krte, magar shayd tumhari bhi majbuariyan thi ki tum aisa kiya”

“Tumhare jaane ke baad main akeli ho chuki thi, us waqt Rahul ne mera mann behlaya tha uske sath rehti to tumhari kami puri hoti, uske sath mujhe 5 mahine rehne ke bad aihsas hua tha ki tumhare alawa mujhe aur koi itni mohobbat nahi de pata, isliye maine use bhi chor diye aur mujh me itni himmat nahi bachi thi wapas tum se baat kr sakti.”

Main khamosh ho kr uski har ek baat sun raha tha. Na jane kyu mujhe uski har ek baat sachi si lagti thi. Uski aankhon me na jaane kyu ek sachai si nazar aa rahi thi.

“Amrit, ab purani baaton ko bhul jao na fhir se ek shuruwat krte hai na”

“Itna aasan nahi hai Ishani sb kuch jitna tumhe lag raha hai”

“Dinner kr lo pehle, Aur yadd rakhna ab tum mujhe chor bhi do na to bhi main tumhe nahi chorungi”

Main bs Ishani ke chehre ko dekhta raha aur dinner khtm kr ke ghar jane ke liye car me baitha.

To be Continued…

Read Part 5 here