Ek Kahani Part-2

Ek Kahani

A Story By Amrit Raj Karn

Read Part 1 Here

Maa ki icha thi ki jo bhi ghar lo usme subha ki roushni sidhe mere pe aaye, subha hui aur suraj ki kirne pairon ko hote hue sidhe ankhon ko chum rahi thi. Utha aur neend todte hue apne phone ko uthaya aur mobile data ko on kiya, kuch message aaye hue the, un sb me se ek message par sb se pehle nazar padi, haan tumhara hi message tha “Good morning”

Main utha aur kitchen ki taraf jaa kr coffee banane laga, coffee le kr balcony ki taraf baitha aur kuch ghunt pite pite kuch purane waqt ko yadd krne laga. Aaj se karib 6 saal pehle tumse mulakat hui thi high school ka pehla din, aur tum nayi aai thi school me. Pehle din bus se jaate hue main har roz ki tarah apne seat par chup chap baitha hua tha, aur kuch bus stop bad tum bus me chadhi thi. Kehte hai na pehli dafa dekh kr ishq hona, shyad mujhe halka halka sa ishq ho gaya tha, chehre pe pyari si muskan, kaano me ek chhoti si baali, aur behad khubsurat si aankhen. Aur in sb ke baad tumhari chulbuli ki baatein. School pahuchte pahuchte pata chala tum meri hi class me nayi aai ho. Main roz ki tarah apne fix class ke 4th bench par jaa kr baith gaya kuch der bad tum apni doston ke sath aayi aur mere bagal wale bech par baith gayi. Kuch class hone ke baad usne mujhe bola “hi main Ishani, nayi hu school me, tumhara naam?”

“Main, Amrit” maine bs itna hi jawab diya. Ki itni me wo fir bol padi, “Nice name, chalo ab to tumse baat hote hi rahegi tumhare sath hi baithna hai ab to”

Main bs chup ho gaya kuch jawab nahi diya, main jyda logon se ghulta milta nahi tha. Isliye jyda baat nahi kiya.

Kuch din guzre aur main bs chup chap kahi dur se ya us se nazre churata hua usse dekhta rehta, uske bolte ki tarike, uska muskurana aur kabhi kabhi jor se hasna, bht pyari si lagti thi tum. Kuch din guzarte guzarte ishq ho gaya us se.

Main apne yaadon ke bhawar me khoya hua hi tha ki door bell baji, main utha aur gate khole ke liye badha. Maine jaise hi Gate khola, samne fir Ishani thi, aaj itne saalon bad bhi kaha kuch badla tha, tum aaj bhi wahi khubsurat si thi, subha subha bheege baalon me mere samne khadi, hathon me ek tiffin liye hue.

“Main andar aa sakti hu?”

“Haan, aao aao baitho.”

Usne apne hathon se us tiffin ko meri or badhate hue bola “Tumhare liye nasta bana kr layi thi. Mujhe laga tum akele ho tumhari thodi help kr du.”

Maine bola “Nahi rehne do, main khud bana leta hun sb kuch, iski koi jarurat nahi”

“School me to mere sath hi baith kr lunch kiya krte the, kya ho gaya ab”

“Waqt” , “waqt bhut badal chuka hai ab, sb kuch ab pehle jaisa nahi raha hai Ishani”

Wo boli “Amrit, Khane ko mana nahi krte, rakh lo isse please, aur sham me kahi bahar chalte hai na, sb kuch baith kr suljha lenge, tumhara gussa krna jayaz hai magar mujhe mauka to do ek bar”

Kya tumne mujhe mauka diya tha? Main khud se hi ye sawal krne laga aur bola “Acha table par rakh do main kha lunga”, kuch pal ki khamoshi ke bad maine puch “Yaha akeli rehti ho?”

“Haan pichle saal job lagi to kuch din aazad reh kr jina chahti thi isliye issi sheher me reh rahi.”

“Mujhe kaise dhundha yaha par?”

“Tumhari facebook par photo dekha, photo me piche apartment jani pehchani si lagi, jara dhyan se dekha to apni hi apartment thi, aur guard uncle bata rahe the ki kisi naye ladke ne yaha shift kiya hai 20-25 din pehle mere se do manjil niche. Main samjh gayi tum hi ho, isliye kaal sham milne chali aai.” “Sham me free ho Amrit? Kahi chalte hai dinner pe?”

Main kuch der shant rehne ke bad uski aankhon me dekhta raha aur bola “Acha sham tak message krta hu.”

“Chalo bye main bhi jaati hu, kuch saaf safai krni hai ghar me”

To Be Continued…

Read Next Part here