Ek Kahani

Ek Kahani

A Story By Amrit Raj Karn

Ek roz office se ghar laut kr apne kamre ki or badha hi tha ki darwaje pe kisi ne dastak di, ghanti ek bar baji aur main darwaje ko kholne badha. Us anjane se sheher me na main kisi ko janta na mujhe koi janta, bs karib 25 din hi to hue hi the is naye makan ko liye hue. College ke bad kuch waqt akele reh kr Jindagi ko talashana chahate tha, shyad is wajah se ghar walo ne mana nahi kiya akele rehne se ya fir ghar ka sb se bada beta tha ye wajah rahi hogi. Nayi nayi naukari lagi thi sb kuch aacha chal raha tha, bs naye logon se ghulne milne me thodi pareshani hoti thi, ye kuch purani aadaten thi.

Ek aur ghanti baji hi thi maine gate khola aur jaise meri dhadkanon ne mera sath hi chor diye. Main khud ko sambhalta ke us se pehle aawaz aai, “ghar me andar nahi bulaoge”. Main kampte hui aawaz me “aao aao baitho”. Akela rehta tha 1BHK ka akela flat, sb kuch khud se sajaya hua, har ek saman apne jaghe par. Hall me lage sofe par usse baithne ko kaha.

Ek aisa chehara jise dekhne ko dil betab to tha, magar bhulne ki jidd bhi utni hi gehri thi. Na jane kb se bhulne ki jad-o-jahat kr raha tha. Shyad college ka 2nd year tha, ghar se bht dur, kaam dost, naye logon se ghulne milne me thodi pareshani aur in sb ke bich bs ek saksh, ek chehara aur uski baatein jo mujhe puri duniya se khich kr apne pass rakhti. Bada waqt ho gaya tha sath rehte hue, itne fasle magar fir bhi ye do dil kitne karib the na.

Inhi ab yaadon me samandar me dubne hi wala tha ke usne apni ussi pyari si aawaz me bola “koi ghar aata to pani ni puchte kya?” Main hadbada kr utha aur table se glass uthaya aur shishe ki jug se pani dhar kr uski or badhaya. Main khamosh baith kr uski or dekhta raha. Usne glass ko rakha aur boli “kaise ho? Bade dinon baad mile ho”… Main bol utha “Main? Main bade dinon bad dikha hun?”

Main kuch aage bolta ki wo bol uthi “Acha baba, meri galti. Subah milte hai, waise bhi kaal sunday hai aur tumhari office bhi off hogi.”

“Subha?”

“Haan main bhi issi apartment me rehti hu, tumse bs do manjil upar”

Wo uth kr jane lagi, main bhi use gate tk chorne ke liye utha aur wo pichhe mudi aur boli “Shyar Shahab, mujhe apna phone number to de dijiye”

Wo hi naam jo aaj se 2-3 saal pehle wo mujhe chidhane ke liye bola krti. “Kaha kho gaye? Aaj bhi naraz ho?”

Maine thoda shehemte hue bola “hmm, Shyad” “ye lo mera number” maine apna card badhate hue bola. Aur wo chali gayi. Maine darwaje ko band kiya aur kitchen ki or badha, fridge me rakhe khane ko nikal kr oven me daal kr fir kisi jindagi ki kitab me kho gaya. Oven ki beep-beep ki aawaz se thoda hosh aaya, main khane ko lekar table ki or badha aur khamosh sa baith gaya.

Phone ka lock khola aur Drive par pade ek purane folder ko talashane laga, na jaane kitni tashviren aur har tashvir ki ek Kahani, aur har tashvir me uski wo pyari si muskan. Unhi kuch tashviron ko dekhte dekhte khana khtm kr apne room me gaya, aur let gaya.

Kuch waqt aankhon ko band krne bad bhi jb neend nahi aai to chhat par ghumte pankhe ko dekhne laga ki achanak se phone ne vibrate kiya. Itni raat ko aksar bht kam logon ke message ya call aate the mujhe, aur beete kuchh waqt se ab apni duniya me mast ho gaye the to bht kaam hi aisa hota tha ki kisi ne raat ko message kiya ho.

Maine phone uthaya aur dekha to kisi Unknown number se message aaya hua tha, message khol kr dekha to maine kisi umeed ki wahi thi, “hey, main Ishani, ye mera number hai save kr lo”

Maine reply diya “Okay”

Kuchh hi second band fir ek message aaya “Tum soye nahi ab tak?”

“hmm, nahi”

“Kya hua sb theek to hai na? Ghar par sb kuch?”

“Haan sb thik hai. Bs aisehi neend nahi aa rahi thi. Tum batao. Tum bhi ab tak soyi nahi?”

“Nahi, maine socha tumne to number manga nahi, main khud hi msg kr ke de deti hu.”

Maine kuch reply nahi diya bs khud hi kahi kho sa gaya aur purani baaton ko yadd krne laga.

Fir kuch der baad ek aur message aaya “kaha kho gaye? Itna nazar ho ab tk mujhse? Kaal milo na kahi dher sari baatein krni hai tumse. Har baat samjhana hai.”

“Ab kya reh gaya hai bolne ko?”

“Please aise matt bolo. Please kaal milte hai na, gussa matt kro please.”

“Okay, so jao ab.”

“Good Night, subha baat krte hai.”

Main fir se kuch purani yaddon ne kho gaya aur dheere dheere nind aa gayi.

To Be Continued…

Read Part-2 Here